Reperja me famë botërore, Cardi B së fundmi ka performuar në një ambient të hapur në Las Vegas, ku po merrnin pjesë një numër i madh i fansave të muzikës së saj.
Gjatë performancës së saj, ku atmosfera po bëhej gjithnjë e më e zjarrtë, një fanse papritmas hodhi ujë në drejtim të saj.
30-vjeçarja e cila njihet për temperamentin e saj, duket se nuk e priti aspak mirë këtë veprim, teksa edhe iu kundërpërgjigj duke e gjuajtur me mikrofon.
E njëjta shihet se u qëllua në krahun e djathtë, ndërsa reagimi i trupave të sigurimit ishte i menjëhershëm.
Siç shihet në pamjet e publikuara në rrjete sociale, koncerti u ndal për disa çaste.
