Reperi i njohur shqiptar, Capital T dhe modelja Adrola Dushi përfliten prej disa kohësh se janë në një marrëdhënie romantike me njëri-tjetrin.
Mirëpo asnjëri prej tyre nuk ka pranuar ende asgjë publikisht, madje mundohen të jenë shumë të kujdesshëm edhe në rrjete sociale…deri sot.
Capital T ka udhëtuar së fundmi drejt Arabisë Saudite, teksa pak orë më parë ka publikuar edhe një foto në Instagram, ku reperi pozon si sheik.
Kësaj fotoje nuk i ka rezistuar dot Adrola, e cila i ka lënë një koment artistit, duke rënë menjëherë në sy të fansave.
“Ehhh, kshu ka lezet”- shkruan Adrola në foton e Capital T. Ndërkaq, nga artisti nuk ka asnjë përgjigje, teksa komenti i modeles ka marrë shumë pëlqime e komente.
