Bullgaria me kërkesa të përmirësuara të përgjigjeve të Maqedonisë – Udhërrëfyesi për të hyrë në kornizën negociuese dhe afati për ndryshimin e teksteve do të shkurtohet, pasi Komisioni historik të arrijë një kompromis, bënë të ditur për “TV24” burime të larta qeveritare.
Përgjigja nga Shkupi zyrtar për Sofjen është se korniza negociuese është obligim i Brukselit dhe afati i shkurtër për ndryshimin e teksteve është i pazbatueshëm në praktikë, thonë të njëjtat burime.
Nga atje për “TV24” thonë se kërkesat për përfshirjen e bullgarëve në Kushtetutën e Maqedonisë nuk janë problem, por duhet të ndodhë me anëtarësimin e Maqedonisë në BE.
Në të njëjtën kohë, Shkupi dhe Sofja planifikohet të kenë zgjidhje për mosmarrëveshjen deri në prill, ndërsa dokumenti të nënshkruhet nga Kiril Petkov dhe Dimitar Kovaçevski. Në muajt në vijim pritet që negociatat të intensifikohen dhe udhërrëfyesi të bëhet “5 + 2” pika, prej të cilave dihen 6 pika dhe e fundit do të jetë një kërkesë për garanci nga Bullgaria se nuk do të bllokojë procesin e integrimit evropian të Maqedonisë, burimet tona informuese
Ofensiva diplomatike po intensifikohet dhe Franca do të vendosë një nismë të re në tryezë më 1 janar për zgjidhjen e mosmarrëveshjes, tha ambasadori francez në vend Cyril Baumgartner në një intervistë për “360 Gradë”.
Kryeministri bullgar Kiril Petkov thotë se nuk do të ketë lëshime, por se në periudhën e ardhshme do të ketë proces përmirësimi.