Ministri i Punëve të Jashtme, Bujar Osmani me anë të një statusi në facebook, ka bërë të ditur se nga dita e nesërme, Bullgaria do t’i heq kufizimet për udhëtim për shtetasit e Maqedonisë së Veriut.
“Informacionet më të reja për vendimet e fundit të Qeverisë në Sofje. Duke filluar nga nesër, 10 tetor, Republika e Bullgarisë i tërheq kufizimet për udhëtim për shtetasit tanë në territorin e saj. Me vendimin e fundit, Maqedonia e Veriut nga zona e kuqe është zhvendosur në zonën portokalli. Ndalesa është shfuqizuar për të gjithë ata të cilët kanë certifikatë për vaksinim (14 ditë nga marrja e dozës së dytë) ose certifikatë që e ka kaluar sëmundjen (nga dita e 11-të deri në ditën e 180 të rikuperimit), si dhe PCR test negativ (jo më të vjetër se 72 orë”, shkruan Osmani. /SHENJA/
MARKETING I PAGUAR POLITIK
