BRUKSEL, 19 shtator /ATSH-AA/- Enti evropian për statistika (Eurostat) njoftoi sot se buka në të gjithë Bashkimin Evropian nuk ka qenë kurrë më shtrenjtë se tani.
Eurostat tha se çmimet e ushqimeve janë rritur ndjeshëm në të gjitha vendet e BE-së, për shkak të pushtimit rus në Ukrainë, i cili ka çrregulluar ndjeshëm tregjet globale.
Në njoftim thuhet se Rusia dhe Ukraina janë eksportuesit kryesorë të drithërave dhe plehrave kimike.
Muajin e kaluar, shkalla vjetore e inflacionit në Eurozonë ishte 9,1 për qind, duke regjistruar nivelin më të lartë historik, ndërsa çmimi i bukës në BE u rrit me 18 për qind krahasuar me gushtin e vitit 2021.
Rritja më e lartë e çmimeve u regjistrua në Hungari (66 për qind), e ndjekur nga Lituania (33 për qind) dhe Estonia dhe Sllovakia (32 për qind). //a.i/