BRUKSEL, 13 shtator /ATSH-DPA/- Parlamenti Evropian emëroi dje sekretarin e ri të përgjithshëm italian, Alessandro Chiocchetti pas një vendimi të diskutueshëm.
Më 1 janar Chiocchetti do të pasojë Klaus Welle, i cili ka mbajtur postin më të lartë të parlamentit që nga viti 2009.
Emërimi i Chiocchetti ishte pjesë e një marrëveshjeje në prapaskenë.
Vendimi merret nga 14 nënkryetarët e Parlamentit të BE-së dhe pesë anëtarët e byrosë këshillimore.
“Byroja parlamentare zhvilloi diskutime dhe vendosi me një shumicë të madhe votash emërimin e Chiocchetti”, tha Parlamenti i BE-së në një deklaratë.
Emërimi shkaktoi reagime të ashpra nga të Gjelbrit dhe Socialdemokratët e BE-së. Deputetja finlandeze, Heidi Hautala , e cila është nënkryetare e Parlamentit të BE, tha se procesi i përzgjedhjes ishte i pamjaftueshëm, me secilin kandidat që prezantohej vetëm për dhjetë minuta.
Chiocchetti është aktualisht shef i kabinetit të presidentes së Parlamentit Evropian, Roberta Metsola.//a.i/
