BRUKSEL, 8 dhjetor /ATSH-DPA/- Kroacia ka marrë miratimin për t’iu bashkuar zonës Shengen në janar 2023, njoftoi sot në Twitter presidenca çeke e Bashkimit Evropian.
“Zona Shengen po zgjerohet për herë të parë, në më shumë se një dekadë”, thuhet në Twitter. Hera e fundit që zona (pa pasaporta) Shengen zgjerua ishte në vitin 2011 pas pranimit të Lihtenshtajnit.
Vendimi hap rrugën për t’i dhënë fund kontrolleve kufitare tokësore midis Kroacisë dhe vendeve të tjera të Shengenit, nga fillimi i vitit të ardhshëm.
Për të pranuar anëtarë të rinj në zonë, kërkohet unanimiteti midis ministrave të Brendshëm të zonës Shengen. //a.i/
