BRUKSEL, 14 gusht /ATSH-DPA/- Komisioni Evropian transferoi dje pothuajse 4,2 miliardë euro (4,6 miliardë dollarë) – ndihmë financiare për Ukrainën.
“Financimi synon të “mbajë funksionimin e shtetit ukrainas” ndërsa Kievi lufton për mbijetesën e tij kundër Rusisë”, shkroi presidentja e Komisionit Evropian, Ursula von der Leyen në X.
“Evropa qëndron në mënyrë të vendosur me Ukrainën”, shtoi ajo.
Ndihma është pjesë e Planit të BE-së për Ukrainën, i cili u miratua zyrtarisht në prill dhe do t’i sigurojë Ukrainës ndihmë financiare me vlerë 50 miliardë euro deri në fund të 2027.
Me financimin e rradhes, BE ka transferuar në Kiev në kuadër të programit – 12 miliardë euro.
Sipas kushteve të planit, Ukraina duhet të zbatojë reforma në menaxhimin e financave publike dhe qeverisjen e ndërmarrjeve shtetërore.
Fondet do të përdoren për të paguar pagat dhe pensionet e ukrainasve, për të ofruar shërbime bazë dhe për të mbështetur rindërtimin.
Ukraina, e cila është një kandidate zyrtare për t’u anëtarësuar në BE, i ka rezistuar pushtimit rus për më shumë se dy vjet me ndihmën ushtarake perëndimore. //a.i/
