BRATISLAVË, 4 nëntor /ATSH-DPA/-Presidentja sllovake, Zuzana Caputova njoftoi sot se referendumi për reformën zgjedhore do të zhvillohet më 21 janar të vitit të ardhshëm, në përgjigje të kërkesës së partive opozitare.
Elektorati i Sllovakisë, i përbërë nga rreth 4.4 milionë votues, do të vendosë pro ose kundër një amendamenti kushtetues që do të lejonte zgjedhje të parakohshme në të ardhmen.
Sipas kushtetutës aktuale sllovake, parlamenti i ri duhet të zgjidhet çdo katër vjet.
Edhe nëse një qeveri bie dhe nuk mund të gjendet një shumicë për një koalicion të ri, parlamenti i vendit mund të mos shpërbëhet, si në vendet e tjera, për të lejuar zgjedhje të reja të parakohshme. //a.i/
