Shtëpia automobilistike BMW me seli në Mynih, shiti thuajse një të shtatën e automjeteve më pak në gjysmën e parë të vitit 2022 krahasuar me të njëjtën periudhë të vitit 2021, për shkak të mungesës së chip-ave dhe bllokimeve të herëpashershme në Kinë.
Nga janari në qershor u dërguan 1.16 milionë BMW, Mini dhe Rolls-Royce – deklaroi të premten grupi.
Bëhet fjalë për 13.3% më pak krahasuar me gjysmën e parë të vitit 2021, periudha më e mirë e shitjeve në historinë e kompanisë, sipas shtëpisë automobilistike gjermane. Shitjet janë tkurrur me thuajse 20% në tremujorin e dytë.
Shitjet e automjeteve elektrike u rritën me 110% në gjysmën e parë të vitit, duke arritur thuajse 76.000 BMW dhe Mini – deklaroi kompania. BMW është në rrugë të mbarë për të dyfishuar shitjet e automjeteve tërësisht elektrike brenda fundit të vitit – sipas planifikimit.
/ Reuters
Monitor sipas Ligjit Nr. 35/2016, “Për të drejtat e autorit dhe të drejtat e lidhura me to”. sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
