LONDËR, 11 prill /ATSH-DPA/ – Mjekët e rinj në të gjithë Anglinë kanë nisur një grevë katërditore pas një mosmarrëveshjeje të përkeqësuar për pagesat e personelit shëndetësor që kërcënon një ndërprerje në Shërbimin Shëndetësor Kombëtar (NHS).
Rreth 350 000 takime, duke përfshirë operacionet, do të anulohen si rezultat i largimit nga anëtarët e Shoqatës Mjekësore Britanike (BMA).
Mjekët protestuan jashtë spitaleve nga ora 7 e mëngjesit të së martës deri në mëngjesin e së shtunës.
Menaxherët thanë se kujdesi për pacientët është “në tehun e thikës” për shkak të grevës, ndërsa shefi ekzekutiv i Konfederatës së NHS, Matthew Taylor tha se numri i takimeve të anuluara ishin 250 000, dhe ka të ngjarë të rritet edhe 100 000.
Grevat përqendrohen rreth një mosmarrëveshjeje pagash midis Shoqatës Mjekësore Britanike (BMA) dhe qeverisë.
Sindikata pretendon se mjekët e rinj në Angli kanë përjetuar një ulje të pagave reale prej 26% që nga viti 2008-2009, sepse rritja e pagave ka qenë nën efektin e inflacionit.
Sindikata ka kërkuar një rishikim të plotë të pagave që qeveria tha se do të arrinte një rritje pagash prej 35%, gjë që ministrat kanë thënë se është e papërballueshme.
Zyrtarët e BMA-së thanë se çështja e pagave po e bën më të vështirë rekrutimin dhe mbajtjen e mjekëve të rinj.
Organi shëndetësor tha se takimet dhe operacionet do të anulohen vetëm aty ku është e pashmangshme dhe pacientëve do t’u caktohen disa data sa më shpejt të jetë e mundur.//a.i/
