LONDËR, 19 shtator /ATSH-DPA/ – Sipas një raporti të përditshëm të inteligjencës britanike, forcave ajrore ruse po i rritet presioni nga ana e Ukrainës.
Ministri i Mbrojtjes theksoi se në dhjetë ditët e fundit, Rusia ka humbur katër avionë ushtarakë, duke e çuar totalin në 55 avionë që nga fillimi i luftës.
Ai shtoi se ‘’rritja e kësaj shifre mund të jetë shkaktuar pasi forcat ajrore ruse janë duke ndërmarrë rreziqe për të mbështetur forcat tokësore , dukeqenëse forcat ukrainase po përparojnë’’.
Gjithashtu ndërgjegjësimi i pilotëve rus ka qenë i dobët.
Sipas ministrit, ‘’mungesa e vazhdueshme e mbështetjes ajrore nga ana e Rusisë është një nga arsyet kryesore që po çon në dobësimin e operacionit në Ukrainë’’.
Ministria e Mbrojtjes ka publikuar përditësime çdo ditë në lidhje me luftën bazuar në raportet e inteligjencës që kur Rusia shpalli fillimin e luftës.
Moska e ka akuzuar Londrën për një fushatë dezinformimi. /as/