Sekretari i Shtetit amerikan, Antony Blinken ka folur në një konferencë shtypi në Uashington pas takimit me sekretaren e Jashtme britanike, Liz Truss.
Ai tha se nuk mund të kujtojë një kohë kur ka pasur “aq shumë unitet, si në politikë ashtu edhe në parim” midis Mbretërisë së Bashkuar dhe SHBA-së.
Blinken vazhdoi të vlerësojë reagimin e Mbretërisë së Bashkuar ndaj krizës në Ukrainë.
“Nuk është vetëm qeveria britanike ajo që po nxitet për të ndihmuar Ukrainën, ne po shohim gjithashtu dhembshuri dhe solidaritet të jashtëzakonshëm nga populli britanik”.
US secretary of state Antony Blinken says he “cannot remember a time where we’ve seen such unity in the transatlantic relationship – both in policy and in principle” amid Russia’s invasion in Ukraine.https://t.co/X3flQUBL0r
📺 Sky 501, Virgin 602, Freeview 233 and YouTube pic.twitter.com/SCmrPq2eEn
— Sky News (@SkyNews) March 9, 2022
Blinken sugjeroi se përgjigja mund të jetë për shkak se britanikët përjetuan diçka të ngjashme në Blitz.
Kryediplomati amerikan tha se Perëndimi është i bashkuar në thirrjen që Vladimir Putin të lejojë civilët ukrainas të largohen menjëherë nga vendet e konfliktit, duke shtuar se korridoret humanitare që largohen drejt Rusisë dhe Bjellorusisë janë “absurde”.
Ndërkohë, Liz Truss ka pohuar se pushtimi i Ukrainës nga Putini po shkakton “dhimbje dhe vuajtje të pamasë”.
Megjithatë, tha ajo, “ai nuk po bën përparimin që kishte planifikuar”.
Truss tha se Perëndimi “e ka befasuar Putinin me unitetin tonë dhe ashpërsinë e sanksioneve tona”, ndërsa “populli i guximshëm ukrainas e ka befasuar atë me vendosmërinë dhe udhëheqjen e tyre”.
Ndryshe, Rusia gjatë ditës së sotme ka vazhduar me bombardime, ku së fundi ka goditur dhe ka shkatërruar tërësisht një spital dhe maternitet në Mariupol.
Rruga Press
