Interi po tregohet shumë aktiv në merkato, por në të njëjtën kohë drejtuesit zikaltër po punojnë me rinovimet e kontratave me lojtarët aktualë që të ruajnë grupin e drejtuar nga Simone Inzaghi.
Sipas asaj që shkruan “La Gazzetta dello Sport” është arritur tashmë marrëveshja e rinovimit të kontratës me Marcelo Brozovic.
Mesfushori kroat do të përfitojë 6 milion euro në sezon, që bashkë me bonuset e ndryshme mund të shkojë deri në 7 milion euro.
Kontrata e re e lidh kroatin me klubin zikaltër deri në qershor të vitit 2026. Zyrtarizimi pritet që të bëhet pas derbit të 5 shkurtit. / Oversport.tv