Biden do të takohet me mbretin e Jordanisë, i cili dëshiron armëpushim në Gaza – Shqip

by admin
Spread the love

Presidenti i ShBA-së, Joe Biden, do të takohet me Mbretin e Jordanisë, Abdullah në Shtëpinë e Bardhë të hënën, duke u përballur ballë për ballë me një aleat prej kohësh, i cili ka qenë i zëshëm në thirrjen për një armëpushim në Gaza.

Dy liderët do të zhvillojnë bisedime në Zyrën Ovale dhe më pas do të bëjnë deklarata për mediat.

Takimi vjen pasi Biden është bërë gjithnjë e më i zëshëm në kërkesën e tij që Izraeli të mos ndërmarrë një ofensivë tokësore në qytetin jugor të Gazës, Rafah, pa një plan për të mbrojtur civilët palestinezë të grumbulluar atje.

Biden foli me kryeministrin izraelit, Benjamin Netanyahu, të dielën dhe Shtëpia e Bardhë tha se ai theksoi se “një operacion ushtarak në Rafah nuk duhet të vazhdojë pa një plan të besueshëm dhe të zbatueshëm për të garantuar sigurinë dhe mbështetjen për më shumë se një milion njerëz të strehuar atje”, shkruan Reuters, transmeton Klankosova.tv.

You may also like