BERLIN, 25 janar /ATSH-DPA/- Tanket e para luftarake “Leopard” nga Gjermania pritet të mbërrijnë në Ukrainë për rreth tre muaj, njoftoi sot ministri gjerman i Mbrojtjes, Boris Pistorius pas një takimi të Komisionit të Mbrojtjes të Bundestagut, në Berlin.
Pistorius e quajti vendimin për dorëzimin e tankeve, një vendim historik, pasi ai u mor në mënyrë të koordinuar në sfondin e një situate shpërthyese në Ukrainë.
“Kjo nuk është një arsye për t’u gëzuar” tha ai, duke shtuar se kishte një mirëkuptim të madh për ata që ishin të shqetësuar.
“Por, dua ta bëj të qartë se ne nuk do të bëhemi palë në luftë”, theksoi Pistorius.//a.i/
