BERLIN, 24 janar /ATSH-DPA/- Kancelari gjerman, Olaf Scholz është i bindur për aftësinë e ekonomisë më të madhe të Evropës për t’u rikuperuar, duke thënë se viti 2023 po sinjalizonte baza të qëndrueshme.
“Të gjitha lajmet e këqija nga A-ja te Z-ja për humbjet e vendeve të punës dhe kolapsin e industrisë gjermane nuk u materializuan”, deklaroi sot Scholz, në Berlin në një ngjarje të organizuar nga Shoqata e Dhomave Gjermane të Industrisë dhe Tregtisë (DIHK).
“Recesioni i rëndë i parashikuar nuk ndodhi kurrë dhe ekonomia madje u rrit, megjithëse në mënyrë modeste”, tha Scholz.
“Mungesa e energjisë mes një përplasjeje gjeopolitike të Evropës me Rusinë arriti të shmangej gjithashtu”, tha ai, duke vënë në dukje përpjekjet e Berlinit për të siguruar burime të reja dhe për të ndërtuar infrastrukturën e gazit natyror të lëngshëm (LNG).
“Qeveria gjermane pret që produkti i brendshëm bruto (PBB) të rritet me 0,2% në vitin 2023”, sipas burimeve.//a.i/