Teksa pritet largimi i Karsdorp, Roma hidhet në sulm për të gjetur një mbrojtës të djathtë gjatë merkatos së dimrit. Një nga objektivat konkret i verdhekuqëve, është mbrojtësi i Barcelonës, Hector Bellerin.
Siç raporton dhe e përditshmja italiane “Calciomercato”, Bellerin iu ofrua Romës muajin e kaluar si një opsion që mund të arrijë në janar. Ish-mbrojtësi i Arsenalit u bashkua me Barcelonën verën e këtij viti me një kontratë njëvjeçare dhe shanset për rinovimin me katalanasit janë të pakëta.
Kryeqytetasit të cilët triumfuan vitin e kaluar në Uefa Conference League. pozicionohen në vendin e 7 të renditjes së Serie A. Jose Mourinho do të provojë të hyjë në luftë për një vend në top katërshen e renditjes, duke marrë ndihmën e Wijnaldum dhe Dybala të cilët mund të kthehen përfundimisht nga dëmtimet. /oversport.tv
Foto: FC Barcelona, Twitter
