Hoffenheim ka marrë një fitore të vuajtur përballë Stuttgartit në ndeshjen hapëse të javës së 24-t të Bundesligës gjermane.
Baumgartner ka qenë heroi i vendasve, që me dygolëshin e shënuar në fund të takimit, ka përmbysur avantazhin e miqve.
Vendasit kanë dominuar pjesën e parë dhe kanë gjetur rrugën e rrjetës me Benjamin Hubner, por goli i tij është anuluar nga VAR.
Miqtë surprizojnë në pjesën e dytë dhe shënojnë me Endo, por 5 minuta para përfundimit të takimit Hoffenheim barazon me Baumgartner.
Është sërish mesfushori austriak që shënon për vendasit në minutën e fundit të kohës së rregullt dhe i dhuron Hoffenheimit një trepikësh me vlera, që e ngjit në kuotën e 40 pikëve në tabelën e klasifikimit.
Stuttgart është në krizë të thellë dhe tashmë rrezikon seriozisht rënien në kategorinë inferiore. / Oversport.tv
Foto: TSG Hoffenheim Twitter
Gjermani-Bundesliga / Java e 24-t
Hoffenheim- Stuttgart 2-1
Baumgartner 85’, 90’ / Endo 58’
