Bashkë kundër Serbisë! – Shqip

by admin
Spread the love

Presidentja e Kosovës Vjosa Osmani tha të premten se Serbia nuk do të heqë dorë nga planet e saj të errëta kundër Kosovës dhe se sulmi terrorist në fshatin Banjskë në fund të shtatorit ishte vetëm një paralajmërim.

“Për fat të keq, politika e sotme e presidentit serb [Aleksander] Vuçië është politika e djeshme e [Slobodan] Millosheviëit. Ambiciet hegjemoniste nuk kanë fund. Banjska ishte vetëm një paralajmërim dhe Serbia nuk do të heqë dorë nga planet e saj të errëta”, tha ajo në fjalimin e saj vjetor në Kuvendin e Kosovës.

Për presidentin e Kosovës, sulmi i formacionit paraushtarak serb ndaj policisë së Kosovës është gjithashtu “një tregues se Serbia dhe liderët e saj nuk janë të interesuar për paqe të qëndrueshme, marrëdhënie të mira fqinjësore, apo përfundimin e dialogut me Kosovën”.

Sipas saj, grupi terrorist dhe paramilitar, i financuar dhe trajnuar nga Serbia, sulmoi Kosovën me një plan të qartë për të aneksuar veriun e Kosovës dhe për të shkaktuar destabilizim në të gjithë rajonin.

“Në situata të tilla nuk duhet të ketë ndarje partiake dhe ideologjike, duhet të ketë unitet pa dallim. Ne jemi shumë të vegjël për t’u ndarë. Duhet të jemi bashkë para Serbisë”, ka thënë ajo para përfaqësuesve.

Tensionet në marrëdhëniet mes Kosovës dhe Serbisë u shtuan pas depërtimit të rreth 30 pjesëtarëve të formacionit paramilitar serb në fshatin Banjskë, në veri të Kosovës.

Sulmuesit u barrikaduan në manastirin ortodoks dhe në shkëmbimin e zjarrit që pasoi, një pjesëtar i policisë së Kosovës dhe tre sulmues serbë u vranë.

Autoritetet e Kosovës kanë akuzuar Serbinë dhe Vuçiëin për sulmin, ndërsa Beogradi zyrtar mohon përfshirjen në këtë ngjarje.

Liderët e Bashkimit Evropian shprehën shqetësimin për situatën e sigurisë në veri të Kosovës dhe i kërkuan Serbisë që të bashkëpunojë plotësisht në hetim dhe të sigurojë që përgjegjësit për sulmin në Banjskë të sillen para drejtësisë. /tesheshi.com/

You may also like