Skuadra e Barcelonës i ka bërë ofertë zyrtare mesfushorit të Interit, kroatit Marcelo Brozoviq ka raportuar sajti italian “Calciomercato” të enjten.
Barcelona po synon transferimin e Brozovoqit në fund të këtij sezoni kur edhe i skadon kontrata me Interin.
Tek Interi, në anën tjetër po shpresojnë që Brozoviq ta pranojë ofertën për rinovimin e kontratës që tashmë janë kanë bërë por kroati ende nuk ka dhënë ndonjë sinjal.
Te Barça po e shohin Brozoviqin si përforcim ideal për mesfushën sezonin tjetër dhe do të tentojnë ta bindin të transferohet në “Camp Nou”.
29-vjeçari këtë edicion ka një gol e dy asistime në 29 ndeshje për Interin në të gjitha garat. Ai iu bashkua Interit në vitin 2015.
