Organizata Aktiv ka përgatitur për qeverisjet komunale një Udhërrëfyes për Luftën Kundër Korrupsionit dhe Rritjen e Transparencës.
Dokumenti me 44 rekomandime, i përkrahur nga Ambasada e ShBA-së në Prishtinë, u prezantua të mërkurën.
Udhërrëfyesi u përpilua pas një hulumtimi në komunat me shumicë serbe, për perceptimin e qytetarëve rreth korrupsionit në qytetet e tyre, njofton Klan Kosova.
68% e të anketuarve janë përgjigjur se kjo dukuri është e pranishme në komunitetin e tyre, derisa 63% kanë thënë që komuna është e kufizuar ose shumë e kufizuar sa i përket transparencës.
Krejt qytetarët e pyetur vlerësojnë se qeveria qendrore është më e korruptuara.