Ballkani flirton me fitoren, por nuk arrin të marrë më shumë se një pikë përballë Cluj në debutimin historik në fazën e grupeve të Conference League.
Mbyllet 1-1 në “Fadil Vokrri”, ndonëse djemtë e Ilir Dajës kryesonin 1-0 deri në minutën e 90-të. Thaqi kalon në avantazh Ballkanin në pjesën e dytë, por kampionët e Kosovës janë të pafat, sepse një gol i Yuri në kohën shtesë u mohon fitoren.
Zhgënjen Fiorentina, që nuk arrin të fitojë përballë modestëve të RFS në shtëpi. Italianët zhbllokojnë sfidën me Barak në pjesën e dytë, por miqtë barazojnë gjithçka pak minuta më vonë. 1-1 është rezultati final i sfidës së luajtur në “Franchi”.
Roma dorëzohet në Bullgari përballë Ludogorets në debutimin në grupet e Europa League. Gjithçka vendoset në pjesën e dytë. Vendasit kalojnë të parët në avantazh, Shomurodov barazon për verdhekuqtë, por një gol I Nonatos në fund vendos fatin e kësaj sfide. /Oversport.tv
