Poliku Avdiu i cili është rrobaqepës në kompaninë “Textile Solution” sot në konferencë të përbashkët me kryeministrin tha se ka gjetur kushte të njëjta pune si në Gjermani dhe se paga minimale prej 18 mijë denarëve është mjaftueshëm për një jetë modeste.
“Jam i kënaqur personalisht. 18 vite punova në Gjermani dhe e lash atë dhe fati më solli në këtë firmë para 8 viteve dhe kushtet janë njëlloj si në Gjermani. E shoh se të rinjtë ikin në Gjermani, por jeta nuk është e njëjtë. Jam i kënaqur me pagën minimale falë kryeministrit i cili gjeti kompromis me sindikatën dhe punëdhënësit. Atë natë e falënderova që gjeti kompromis”, tha Avdiu.
Ai tha se 18 mijë denarë nuk janë shumë por për jetë modeste janë mjaftueshëm dhe u shpreh se pagat edhe më tej do të vazhdojnë të rriten.
Ai uroi kryeministrin Kovaçevski dhe ministren Trençevska që sot ishin mysafirë të kompanisë ndërsa deklaratën e tij mund ta shihni këtu.
