Në një bastisje të madhe ndaj punës së padeklaruar në industrinë e ndërtimit, autoritetet hetuese zbuluan një rrjet kompanish mashtruese. Në fokus të kërkimeve ishin banesat dhe ambientet e biznesit në zonën e Heinsbergut.
Më shumë se 240 forca kontrolli financiar, hetimi tatimor dhe ato policire u vendosën në bastisjen ndaj kompanive të ndërtimit.
Sipas doganave në Aachen, janë kontrolluar gjithsej 32 ambiente banimi dhe biznesi në zonën e Heinsbergut, në Düsseldorf, Dortmund dhe zonën e Ruhrit. Katër të dyshuar janë arrestuar, informon portali Shtegu. Të paktën 15 të dyshuar po hetohen në një rrjet kompanish që thuhet se kanë rekrutuar punëtorë nga Shqipëria, i kanë paguar në mënyrë të paligjshme dhe i kanë përdorur në kantieret e ndërtimit në Gjermani. Ata dyshohet se e kanë fshehur statusin aktual të punësimit të punëtorëve të tyre përmes nënkontraktorëve të rremë në një rrjet kompanish fiktive.
Nga taksat e papaguara të pagave dhe kontributet e sigurimeve shoqërore janë shkaktuar dëme me miliona auro.
