Athletic Bilbao ka shënuar fitore në frymën e fundit me rezultat 1:0 ndaj Real Madridit, duke u kualifikuar në gjysmëfinale të Kupës së Mbretit.
Në minutën e 89-të, futbollisti Alex Berenguer ka shënuar pas asistimit të Mikel Vesga.
Dhimbje koke për trajnerin e Realit, Carlo Ancelotti, mbetet jashtë garës së Kupës, ndërsa Bilbao në festë të madhe.
Skuadra baske tani ka rast shumë të mirë që të arrijë edhe në finalen e madhe.
Rayo Vallecano, Valencia, Betis dhe Bilbao, janë kualifikuar në gjysmëfinale.
Pas Atletico Madridit dhe Barcelonës, edhe Reali i thotë lamtumirë Kupës së Mbretit.
