Rusia pretendon se ka përdorur armë lazer në fushëbetejën e Ukrainës.
Megjithatë, SHBA ka deklaruar se nuk ka parë asnjë provë që të jetë përdorur një armë e tillë dhe Ukraina nga ana e saj e ka quajtur qesharake një propagandë të tillë.
Yury Borisov, zëvenëskryeministri përgjegjës për zhvillimin ushtarak, ka thënë se një prototip lazer i quajtur Zadira ishte duke u vendosur në Ukrainë dhe kishte djegur një dron Ukrainas për 5 sekonda në një distancë prej 5 km.
Një armë e tillë ka qenë pjesë e një sistemi të mëparshëm lazerash të quajtur Persvet që mund të verbojnë satelitët në orbitën e Tokës duke i ndaluar ata të mbledhin informacione.
“Nëse Peresvet përdoret, atëherë gjenerata e re e armëve lazer do të cojë në shkatërrim fizik të objektivit, një shkatërrim termik duke u djegur,” u shpreh Borisov.
Një reagim pati dhe nga presidenti ukrainas Zelenski i cili u tall me pretendimin rus duke e krahasuar atë me të ashtëquajturat “armë të mrekullueshme” që Gjermania naziste pretendonte se luftonte në Luftën e Dytë Botërore.
Rruga Press
