Ambasada e SHBA mesazh për Ditën e Rinisë: Nderojmë guximin e atyre studentëve që kërkuan ndryshime politike dhe demokraci për vendin e tyre

by admin
Spread the love

Ambasada e SHBA ka dhënë një mesazh për 8 Dhjetorin, Ditën e Rinisë. Ambasada amerikane shprehet në mesazhin e saj se “ne nderojmë guximin e atyre studentëve që kërkuan ndryshime politike dhe demokraci për vendin e tyre” dhe thekson se Shtetet e Bashkuara qëndrojnë krah për krah me popullin shqiptar në hapin tjetër të rrugëtimit demokratik drejt anëtarësimit në Bashkimin Europian.

“🇦🇱 | Sot, Shqipëria shënon Ditën Kombëtare të Rinisë. Vetëm 32 vite më parë, studentët dhe të rinjtë shqiptarë protestuan kundër njërit prej regjimeve komuniste më mizore të Europës, duke nisur rënien e tij dhe duke u bërë protagonistë të një momenti shumë të rëndësishëm në historinë e Shqipërisë. Më 8 dhjetor, ne nderojmë guximin e atyre studentëve që kërkuan ndryshime politike dhe demokraci për vendin e tyre. Të rinjtë sot vazhdojnë të formësojnë të ardhmen e vendit dhe Shtetet e Bashkuara qëndrojnë krah për krah me popullin shqiptar ndërsa ju hidhni hapin tjetër të rrugëtimit tuaj demokratik drejt anëtarësimit në Bashkimin Europian.”, shkruan ambasada e SHBA.

You may also like