“Për’puthen” është drejt fundit të këtij edicioni ndërsa është bërë e ditur se në puntatat e fundit do të jenë pjesë të gjithë konkurrentët.
Ndjekësit besnikë të emisionit do të kenë mundësi që për herë të parë të jenë pjesë e studios dhe t’i bëjnë të preferuarve të tyre ndër sezone pyetjet që kanë.
Kaq nga njoftimi ka mjaftuar që ndjekësit të (mezi) presin një takim të Bashkimit dhe Alvisës i cili do të ishte i pari pas ndarjes.
Por, kjo nuk do të ndodhë.
I pyetur nga ndjekësit, Bashkimi së fundmi ka precizuar se do të jenë në puntata të ndryshme, për të shmangur takimin.
Momenti epik i çiftit që u nda rrufeshëm bashkë pas afro një muaji krah njëri-tjetrit nuk do të ndodhë, përveç nëse shkëmbehen në korridoret e Top-it dhe kamerat do jenë aty për të filmuar çdo moment të mundshëm.