Deputeti Enkelejd Alibeaj është shprehur se kuorumi i nevojshëm për vendimmarrjet lidhur me zgjedhjet lokale në Kryesinë e mbledhur është plorësuar.
Alibeaj teksa foli për News 24 tha se të pranishëm në mbledhje ishin 18 anëtarë, pasi sipas tij 14 ishin pjesëmarrës fizikisht, ndërsa 4 të tjerë u lidhën online.
Ai shtoi se PD do të organizohet për të hyrë në zgjedhje dhe do të përgatitet për gjithçka.
“Partia Demokratike do të futet në zgjedhje. Kjo i përfshin të gjitha, edhe organizimin edhe çdo gjë tjetër. Nuk është e vërtetë. Nga 29 anëtarë që janë sot efektivë në Kryesinë e PD-së, 18 ishin pjesëmarrës. 14 ishin të pranishëm fizikisht, ndërsa të tjerët ishin prezent online. Një pjesë e anëtarëve të Kryesisë nuk kanë qenë prezent sepse kishin impenjime. Një pjesë e anëtarëve janë pjesë e grupit parlamentar të cilët e kanë shprehur që më herët qëndrimin e tyre”, u shpreh Alibeaj.
