Pas një aksidenti të rëndë kamioni në A2 pranë Dortmundit, rruga drejt Hanoverit është liruar sërish. Mbylljet zgjatën disa orë
Pas një aksidenti të rëndë kamioni të mërkurën në mëngjes, autostrada A2 drejt Hanoverit duhej të mbyllej për disa orë. Vetëm në mbrëmje u bë e qartë: “Bllokimi u hoq sërish”, kanë thënë nga Policia e Dortmundit, transmeton portali Shtegu.
Policia e Dortmundit ka njoftuar detaje të mëtejshme në lidhje me aksidentin në A2 pranë Castrop-Rauxel. Pika e nisjes ishte se një vozitës kamioni 58-vjeçar duhej të frenonte për shkak të trafikut. Një tjetër vozitës kamioni nga Dortmundi (54) më pas gjithashtu frenoi, por një vozitës i tretë (44) nga Maqedonia e Veriut e vuri re shumë vonë, tha një zëdhënës i policisë. Ai e futi kamionin e tij fillimisht në kamionin e dortmundasit dhe më pas në barrierën qendrore. Kamioni i goditur u përplas me kamionin e parë dhe më pas u rrokullis në të majtë.
Vozitësi nga Dortmundi është lënduar rëndë, ndërsa shtetasi maqedonas është lënduar lehtë. Duhej thirrur një helikopter shpëtimi. Korsia drejt Hanoverit ka qenë e mbyllur deri në orën 19:00.
