Kisha kënaqësinë të takoj kryetarin e Partisë Demokratike të Kosovës, mikun tim Memli Krasniqi, gjatë vizitës zyrtare në Prishtinë.
Biseduam për momentin politik të cilin po kalon Kosova, në kontekst të dialogut për normalizimin e marrëdhënieve me Serbinë.
Diskutuam gjithashtu për thellimin e bashkëpunimit mes dy shteteve tona, por edhe mes dy subjekteve tona politike.
E përgëzova z. Krasniqi për angazhimin politik të Partisë Demokratike të Kosovës, ndërsa morëm mirënjohje për rolin e Alternativës për fuqizimin e faktorit shqiptar në Maqedoninë e Veriut.
AlternAtivA do të vazhdojë bashkëpunimin me të gjithë faktorët politik, me qëllim fuqizimin e interesave të shqiptarëve në rajon.
Kënaqësi të takoj kryetarin e Lidhjes Demokratike të Kosovës, Lumir Abdixhikun, gjatë qëndrimit tim në Prishtinë.
Bashkëbiseduan për çështjen e Kosovës dhe dialogun për normalizimin e marrëdhënieve me Serbinë, me ç’rast vlerësova angazhimin politik të LDK-së dhe kreut të saj Abdixhiku.
Folëm gjithashtu për aktualitetin politik në Maqedoninë e Veriut, ndërsa u vlerësua roli ynë për forcimin e mëtutjeshëm të marrdhënieve ndëretnike dhe bashkëjetesës në Maqedoninë e Veriut.
Diskutuam edhe për thellimin e bashkëpunimit mes dy shteteve, sidomos në ekonomi, arsim dhe kulturë.