AAK-ja përjashton nga partia asamblisten Ardita Ukshini, pasi votoi kryesuesin e VV-së

by admin
Spread the love
1a7253ebfd94147be1a9016b1f9dc492.jpeg

Dega e Aleancës për Ardhmërinë e Kosovës në Gjilan e ka përjashtuar nga partia asamblisten Ardita Ukshini.

Kjo për shkak se ajo ka votuar pro zgjedhjes së kryesuesit të Kuvendit Komunal të Gjilanit Arianit Sadiku, i cili vjen nga radhët e Lëvizjes Vetëvendosje.

Në njoftimin e degës së AAK-së në Gjilan thuhet se Ukshini ka vepruar në kundërshtim me vendimin e partisë.

“Mendimi dhe fjala e lirë janë të garantuara me statutin e partisë, por veprimet që bien ndesh me vendimet e shumicës dhe të partisë, janë të papranueshme. Andaj, asamblistja jonë, Ardita Ukshini në seancën e sotme të Kuvendit ka vepruar në kundërshtim me vendimin e partisë, duke shpërfaqë interesat personale para atyre partiake e qytetare”.

You may also like