Kryetari i Alternativës, Afrim Gashi ka folur në Click Plus në TV21 lidhur me atë se kjo parti a do bëhet pjesë e Qeverisë LSDM-BDI dhe se a do të vijoj rrugëtimin me ASH-në.
“Ne jemi parti me debat të brendshëm ku diskutohen gjitha gjërat bashkë. Sot e pamë që nuk u realizu rrëzimi i Qeverisë dhe tani jemi në një situatë të re. Por, që sonte tju themi se nga do shkojmë, po këtë nuk mund ta vendosim pa diskutuar brenda organeve partiake”, theksoi kryetari i Alternativës, Afrim Gashi.
Sipas tij, AA është e përcaktuar për një Qeveri pro evropiane dhe me synimin për të marrë datën për fillimin e negociatave me BE-në, duke zgjidhur kontestin me Bullgarinë.
