Është koha që të ndryshoni mënyrën e jetesës.
Të gjithë njerëzit në botë kanë qenë të stresuar si pasojë e pandemisë Covid-19 që filloi në marsin e vitit të kaluar. Për deri sa po vazhdojmë të mbajmë distancën sociale dhe të punojmë nga shtëpia edhe në këtë vit, është e rëndësishme që të mësojmë se si ta mëngojmë stresin në mënyrë që të kujdesemi edhe për shëndetin mendor edhe për sistemin imunitar.
Për deri sa nuk e dimë çka do ndodhë gjatë një dite të punës e aq ma pak se çka do ndodhë në botë, janë disa ndryshime të vogla në mënyrën e jetesës që ulin nivelin e stresit.
Prej kalorive të tepërta e deri te gjumi jo i mirë, këto janë pesë zakonet që janë duke ju shkaktuar çdo ditë e më shumë stres dhe sugjerimet se si t’i largoni këto zakone:
Ju konsumoni shumë kafeinë
Kafeja ka benefite të shumta që ndikojnë mirë në shëndetin e njeriut, por të konsumosh shumë sasi të saj nuk është e shëndetshme. Në fakt, konsumimi i sasive të larta të kafeinës mund të ngrejë nivelet e kortizolit të cilat më pas mund të shtojë efektet e stresit në trupin tuaj. Një studim i vitit 2013 sugjeron që konsumi i lartë i kafeinës në mënyrë rutinore mund të çojë në shtim në peshë ose ndryshime të humorit e deri në telashe më serioze kronike siç janë sëmundja kardiovaskulare dhe diabeti.
Zgjidhja? Kufizoja vetes tënde që të pish një ose dy filxhanë kafe në ditë.
Jeni duke mbajtur dietë strikte
A jeni ndier ndonjëherë me stres kur keni ndjekur një dietë kufizuese? Ka mundësi që niveli i kortizolit tek ju të jetë më i lartë. Një studim i vitit 2010 zbuloi se kufizimi i kalorive rrit prodhimin e përgjithshëm të kortizolit, duke sugjeruar që dieta mund të jetë e dëmshme për mirëqenien psikologjike. Agjërimi i përhershëm, i cili vepron në orare të rrepta të ngrënies dhe agjërime të gjata, mund të shkaktojë rënien e niveleve të sheqerit në gjak duke ju bërë të irritoheni ose stresoheni.
Shkurt nëse jeni duke u përpjekur që të humbni peshë mënyra më e mirë është që të shikoni kaloritë që merrni çdo ditë. Nëse filloni të hani më shumë ushqime të shëndetshme ka më shumë mundësi që të mbani dietë dhe të mos ndiheni të uritur.
Nuk jeni duke ngrënë ushqime të shëndetshme sa duhet
A e dini se 95% e furnizimit të trupit tuaj me serotonin, hormoni “ndjeheni mirë”, ndodhet në bakteret e zorrëve? Sidoqoftë, nëse jeni duke e furnizuar zorrën tuaj me ushqime shumë të përpunuara (me shumë sheqer dhe yndyra të ngopura), kjo mund të ndikojë negativisht në bakteret e shëndetshme të zorrëve dhe në fund të fundit të rrisë nivelet e stresit tuaj – dhe madje mund të mos e kuptoni.
Për të shmangur ndodhjen e kësaj, sigurohuni që po hani shumë ushqime të pasura me probiotikë, përfshirë kos, lakër turshi dhe tempe. Përveç kësaj, ngrënia e më shumë ushqimeve me acide yndyrore omega-3 (salmon) dhe vitaminë C (perime të gjelbra të errëta) gjithashtu mund të ndihmojë për të mbajtur nën kontroll nivelet e kortizolit.
Nuk lëvizni mjaftueshëm gjatë ditës
Shpesh ne harrojmë të ngrihemi nga tavolina e punës për të lëvizur trupin. Aktivitetet e rregullta fizike jo vetëm që ndihmojnë sistemin imunitar, por ato ulin nivelin e stresit dhe kortizolit. Një udhëzues për shëndet publik nga Harvardi, caktimi i 30 minutave ushtrime të moderuara tre deri në katër ditë në javë është minimumi që ju nevojitet për të parandaluar kushte të ndryshme shëndetësore. Sidoqoftë, është ideale që të përfshiheni në një sërë aktivitetesh të ndryshme fizike çdo javë në mënyrë që të punoni muskuj të ndryshëm dhe të mbani kockat tuaja të forta. Për shembull, të hënën mund të ecni/vraponi për 30 minuta, të mërkurën mund të bëni një seancë 30-minutëshe të jogës dhe më pas të premten, mund të bëni një stërvitje gjysmë ore.
Nuk jeni duke bërë gjumë të mirë mjaftueshëm
Të mos bësh gjumë të mirë mjaftueshëm mund të jetë jashtëzakonisht e dëmshme për shëndetin. Gjumi i papërshtatshëm mund të ju çojë deri të problemet shëndetësore si sëmundjet e zemrës, tipi dy i diabetit dhe depresioni. Gjithashtu mund ta pengojë funksionin imunitar, të shkaktojë në shtimin e peshës dhe të ju bëjë të keni më shumë stres. Nëse nuk mund të bëni shtatë deri në nëntë orë gjumë çdo natë atëherë mundohu të flini gjatë ditës dy herë nga 30 minuta, kjo ju ndihmon të menaxhoni nivelin e stresit dhe ulë efektet e tjera negative që vijnë na gjumi jo i mirë.
