Protestuesit sulmojnë një stacion të policisë në Mianmar, 7 të vdekur

Kuala Lumpur

Të paktën 7 policë e kanë humbur jetën në një sulm që protestuesit kundër grushtit ushtarak në Mianmar kryen ndaj një stacioni të policisë, transmeton Anadolu Agency (AA).

Sipas lajmit në faqen “Myanmar Now”, një stacion i policisë në qytetin Tamu në rajonin Saging u sulmua nga protestuesit bashkë me Thang Hou Gin, punonjësin e policisë i cili iu bashkua protestuesve duke kundërshtuar juntën.

Protestuesit që sulmuan stacionin e policisë me shpërthyes artizanale vranë 6 policë.

Ndërsa si pasojë e ndërhyrjes në konflikte nga ushtria e Mianmarit pak kohë më pas u vra polici kundër grushtit të shtetit Thang Hou Gin si dhe disa nga protestuesit që morën pjesë në konflikt.

Në Magway 10 mijë civilë braktisën shtëpitë e tyre

Mësohet se një numër i madh personash në zonat periferike kanë braktisur shtëpitë e tyre si pasojë e përdorimit të dhunës nga ushtria e Mianamrit ndaj kundërshtarëve të grushtit në rajonin Magway.

Në raportin e përgatitur nga organizata për të drejtat e njeriut “Justice for Myanmar” (Drejtësi për Mianmarin), thuhet se të paktën 10 mijë civilë janë larguar në zonat e pyllëzuara duke u fshehur nga ushtarët pas veprimeve të tilla si bastisje e shtëpive, plaçkitje e pronës private dhe rrëmbimin e civilëve që ushtria e Mianamrit ka kryer që nga fillimi i marsit e deri më tani.

Videot e shumta ku njësitë e Mianmarit janë filmuar duke plaçkitur pronën private pas bastisjes së shtëpive në Magway kanë shkaktuar reagime në median sociale.

Grushti ushtarak në Mianmar

Ushtria e Mianmarit pas pretendimeve nga grupet e afërta politike pranë saj për mashtrime në zgjedhjet e 8 nëntorit 2020 dhe pas rritjes së tensioneve në vend, mori pushtetin më 1 shkurt.

Ushtria në vend shpalli gjendje të jashtëzakonshme për një vit ndërsa më pas arrestoi shumë zyrtarë dhe drejtues të tjerë të partisë në pushtet, përfshirë edhe ministren e Jashtme, njëherësh lideren e vendit, Aung San Suu Kyi.

Qytetarët e Mianmarit më 6 shkurt filluan protestat kundër grusht shtetit me kërkesën për kthimin në demokraci. Në ndërhyrjet e armatosura të forcave të sigurisë kanë humbur jetën mbi 550 protestues.

Në vend vazhdojnë protestat me pjesëmarrje të gjerë dhe gjykimet në gjykatat ushtarake për zyrtarët e nivelit të lartë nën arrest.

Gjobitet kryeministrja e Norvegjisë, theu masat anti-Covid

Policia e Norvegjisë deklaroi se ka gjobitur Kryeministren Erna Solberg për thyerjen e rregullave të distancimit social të Covid-19, kur Read more

Çfarë e bën Dubain “Qytetin e arit”?

Për më shumë se një shekull, tregtarët kanë udhëtuar drejt Dubait në kërkim të erëzave, perlave dhe arit. Me një Read more

Leave a Reply