Zhegrova e zemëron edhe Muriqin, s’ia pasoi topin se s’ia pasoi – VIDEO

Futbollistët e Kombëtares së Kosovës nuk kanë mundur ta fshehin pakënaqësinë dhe tërbimin me bashkëlojtarin e tyre shumë të kritikuar, Edon Zhegrovën, në ndeshjet e fundit dëshpëruese të verdhekaltërve dhe më i fundit që është ndier i tërbuar është sulmuesi Vedat Muriqi.

Kosova hoqi të zitë e ullirit për ta mposhtur Moldavinë 1:0 në ndeshjen e fundit në në grup në Ligën e Kombeve, duke e siguruar qëndrimin në Ligën C – nivelin e tretë të futbollit në këtë garë – me pikë të zorit.

Paraqitja dëshpëruese dhe tejet e dobët ndaj Moldavisë në Fadil Vokrri të mërkurën ishte pasqyrim i një viti tmerrësisht të dobët të kombëtares dardane, pavarësisht fitores e cila ia ndërpreu ecurinë prej 10 ndeshjeve pa fitore.

Ylli i Baselit, i cili shpesh është krahasuar me të madhin Lionel Messin, Zhegrova i ka zemëruar bashkëlojtarët e vet në secilën prej tri ndeshjeve të fundit të Kosovës këtë vit.

Pasi i la të mllefosur Florent Hadergjonajn dhe Bernard Berishën në humbjet kundër Shqipërisë në miqësore dhe kundër Sllovenisë në Ligën e Kombeve, ai të njëjtin mllef ia shkaktoi edhe sulmuesit kryesor të ekipit, Vedat Muriqit.

Muriqi po ia kërkonte topin Zhegrovës në një hapësirë ku ishte plotësisht i vetëm, por 21-vjeçari refuzoi t’ia pasonte pavarësisht se ishte në vështirësi të mëdha nga kundërshtari.

Ylli i Lazios Muriqi nuk mundi të durojë pa e shprehur mllefin duke reaguar me duar dhe mrrola.

Në të kaluarën Zhegrovës s’i kanë bërë përshtypje kritikat për mbajtjen e panevojshme të topit.

Myrto Uzuni në qiellin e shtatë, shqiptari i shënon Juventusit – VIDEO

TORINO-Fantastike po rezulton ndeshja e parë si titullar për Myrto Uzunin, i cili ka tundur rrjetën për herë të parë Read more

“Shqipëria nuk përfitoi 1.25 mln euro nga Liga e Kombeve, por shumë më tepër”

Shqipëria e Edi Rejës i mbylli me sukses eliminatoret e edicionit të dytë të Nations League teksa siguruan vendin e Read more

Leave a Reply