Reali mposhtet thellë nga Valencia – VIDEO

Reali i Madridit zhgënjen sërish në kampionat, pasi u mposht me rezultatin e thellë 4-1 në transfertën e “Mestalla”-s ndaj Valencias dhe tashmë e sheh veten plot 4 pikë larg Sociedadit që kryeson përkohësisht renditjen.

Madrilenët e nisën mjaft mirë ndeshjen dhe pas një kombinimi me Marcelon, ishte sulmuesi francez Karim Benzema që lëshoi një predhë nga jashtë zone, duke dërguar topin në rrjetën e portës së Valencias.

Reagimi i Valencias ishte i shpejtë dhe në minutën e 30’ fituan një penallti, të cilën e gjuajti Soler dhe topi u përplas në traversë e më pas u shty në rrjetë nga Musah, por arbitri e anuloi pasi mesfushori kishte hyrë në zonë para kohe.

Nga përsëritja e penalltisë, Soler nuk gaboi dhe mposhti Courtois, duke rikthyer baraspeshën, ndërsa në minutat e fundit të pjesës së parë ishte Raphael Varane që devijoi një top në rrjetën e portës së tij dhe që arbitri e akordoi gol vetëm pas sinjalizimit nga VAR.

Kjo pasi portieri belg Courtois ishte në rrezen e kamerave të “Goal Line Technology” dhe ndonëse e nxori topin nga brenda vijës fatale, teknologjia nuk sinjalizoi, ndaj u desh të rishikohej gjithçka në VAR për të akorduar golin.

Në pjesën e dytë Valencia fitoi edhe dy penallti të tjera, fillimisht për një faull të Marcelos dhe më pas për një prekje me dorë naive nga ana e Sergio Ramos, ndërsa Soler u tregua i saktë duke i shndërruar në gola dhe duke çuar rezultatin në 4-1.

Sulmuesi 23-vjeçar spanjoll Carlos Soler kompletoi kështu tripletën personale, me të tre golat të shënuar nga pika e penalltisë dhe përveçse i dha fitoren Valencias, meritoi të marrë në shtëpi edhe topin e ndeshjes.

Deri në vërshëllimën finale të arbitrit rezultati mbeti i pandryshuar dhe Reali regjistroi humbjen e dtë në kampionat, që e zbret përkohësisht në vendin e katërt të renditjes, ndërsa Valencia u ngjit në vendin e 9 me 11 pikë.

Kush është personi i vetëm që nuk di për vdekjen e Maradonës?

Bota e futbollit vazhdon të mbajë zi për humbjen e legjendës së futbollit Diego Armando Maradona dhe në Argjentinë është Read more

VIDEO/ Napoli po luan në Europa League, stadiumi po “kallet” në nderë të Maradonës

Mijëra napolitanë u grumbulluan përreth stadiumit, ndërsa menjëherë pasi në fushë u mbajt një minutë heshtje në nderim të kujtimit Read more

Leave a Reply