Rama: Vijnë nga Turqia punëtorë se shqiptarët ankohen për punë, por duan të bëhen doganiera

Kryeministri Edi Rama ishte dje në Thumanë, ku njoftoi nisjen e rindërtimit të shtëpive në një truall të shtrirë në rreth 12 hektarë.

Ai tha se përmbajtja kënetore e tokës u konsolidua tashmë me shtresa gurësh e rrjetash të posaçme stabilizuese.

“Nuk do të ketë asnjë lloj problemi mbas, as për tërmetet”, tha njëri nga inxhinierët.

Ndërkohë që kreu i qeverisë kishte një përgjigje për ata që ngrenë pyetjen se ku shkuan mbi 1 miliard eurot e donatorëve të njoftuara me shumë bujë para disa muajsh.

“Ku shkuan lekët plako? Nuk shkuan asgjëkundi. Pasi donatorët nuk i hedhin lekët në prehrin e qeverisë, por i shpenzojnë vetë.

BE-ja, që në procedura ka marrë më shumë kohë se ne, fillon tani me shkollat e reja. Po ashtu Turqia në Laç, financimin e bën vetë, kompaninë e ka zgjedhur vetë, inxhinierët vetë.

Madje edhe punëtorë i ka sjellë vetë, meqë këtu ka shumë që thonë se nuk kemi punë, por kur u thua hajde, puno, thonë nuk është punë për mua. Se duan të shkojë në doganë, ose në rastin më të keq të bëhen policë, – tha kryeministri.

Leave a Reply