Përçarje brenda LDK’së: Vjosa Osmani i reagon Agim Veliut, mbron Vetëvendosjen

Nënkryetarja e LDK’së dhe kandidatja për kryeministre, Vjosa Osmani, ka konfirmuar përçarjet brenda kësaj partie duke mbrojtur Lëvizjen Vetëvendosje dhe duke reaguar kundër bashkëpartiakut të saj, Agim Veliut.


Osmani shkruan se natën e dhjetorit të 2017’ës kur dëshiruan ta shfuqizojnë Gjykatën Speciale, ani pse miqtë ndërkombëtarë thonin se ishte ‘thikë pas shpinës’, vetëm VV i doli në krah LDK’së në ruajtjen e shtetësisë së Kosovë.

E për Osmanin nga ajo natë u lidh koalicioni i shpresës për popullin e Kosovës, sipas saj nga ajo natë është rikonfirmuar orientimi pro-perendimor dhe euro-atlantik.

Shkrimi i plotë i Vjosa Osmanit:

Miqësitë që LDK-ja ndërtoi me botën demokratike janë ato që përcaktuan orientimin strategjik te vendit tonë: orientim pro-perendimor e euro-atlantik.

Para rreth dy vitesh, partitë në pushtet, ato të koalicionit PAN, filluan nismën për shfuqizimin e gjykatës speciale, e cila nga partnerët tanë u quajtë ‘thike pas shpine’, ‘rreziku më i madh në Kosovën e pasluftës’, ‘shkatërrim i miqësive’, e ‘shkelje e orientimi euro-atlantik’. Meqë miqtë tanë ndërkombetarë dhe kërkesat e tyre injoroheshin nga Presidenti i vendit dhe partitë në pushtet, që të gjithë u drejtuan tek zyret e LDK-së. Sërish, ishte pikërisht LDK-ja, vendi ku do të mbrohej shtetësia, miqësitë dhe orientimi pro-perendimor i vendit. Por këtë nuk mund ta bënim vetë. Ishte vetëm një parti që i doli në krah përpjekjeve të LDK-së atë ditë: Lëvizja Vetëvendosje. Atë mbrëmje, për këdo që e kupton politikën drejtë, është ndërtuar koalicioni i shpresës. Atë ditë, është rikonfirmuar orientimi pro-perendimor dhe euro-atlantik. Atë nuk e bëri LDK-ja vet, e as LVV-ja vetë…por e bënë LDK dhe LVV bashkë, me bekimin e miqve tanë ndërkombetarë.

Pyetja që shtrohet sot për kundërshtuesit, penguesit e bllokuesit e ndryshimit, në një kohë kur Kosova rrezikon të zbrazet e të shndërrohet në shtet të dështuar, është pikërisht e njejtë me atë që Ambasadori i atehershem amerikan e bëri në zyret tona në orët e vona të mbrëmjes ne v.2017 ku ishin bashkuar zyrtare nga LDK e LVV: CFARË DO JU DUHET PARTIA KUR NUK DO TE KETË MË KOSOVË?.

Leave a Reply

Your email address will not be published. Required fields are marked *