Në këtë mënyrë kosovarët presin familjet nga Shqipëria që jnaë prekur nga tërmeti dhe kanë mbetur pa kulm mbi kokë.
Kjo familje katër anëtarëshe e ardhur nga qyteti i Durrësit rrëfen për tmerret që përjetuan nga tërmeti, por edhe për mikpritjen që iu bë në Kosovë.
Ndërsa, ky qift i moshuar i cili jetonte i vetëm në Durrës, poashtu rikjuton momentet e vështira që patën derisa dolën nga gërmadhat e shtëpisë së shkatërruar nga tërmeti.
Pas përjetimeve të tilla të rënda, vizita e psikologut është e nevojshme. Një psikologe nga Prishtina ofroi seanca falas për të gjithë qytetarët që përjetuan tmerret e tërmetit në Shqipëri.
Përveç viktimave, nga tërmeti në Shqipëri u lënduan shumë qytetarë, ndërsa për të strehuarit në Kosovë, logopedi Blend Sahiti, ofron trajtim pa pagesë. Ai njëherësh është angazhuar edhe në sistemimin e familjarëve nga Shqipëria.
Ndërsa, Hotel Ora në kryeqytet që nga mbrëmë ka pranuar për strehim rreth 50 familje nga Shqipëria të prekura nga tërmeti.
Pas akomodimit në këtë hotel, përmes organizimit të Albert Kastratit nga tifozëria Plisat është bërë strehimi i qytetarëve nga Shqipëria nëpër komuna të ndryshme të Kosovës.
Shumë qytetarë nga Kosova kanë shprehur gatishmërinë që t’i strehojnë qytetarët nga Shqipëria, të cilët janë prekur nga tërmeti i së hënës.
