11 dhjetori bëhet fakt, shpallen me emër dhe mbiemër 1850 delegatët që e mbledhin atë

by admin
Spread the love

Mbështetësit e Berishës, kanë arritur të bëjnë publike mbi 1850 nënshkrimet të vlefshme, për të mundësuar mbledhjen e Kuvendit Kombëtar të PD-së.

Pas shpalljes së delegatëve të Fierit dhe Shkodrës, këtë fundjavë tashmë ka përfunduar transparenca e mëse 1/4 të delegatëve që heqin çdo dyshim për tubimin që me sa duket do të mbahet në stadiumin Arena Kombëtare.

Shkallët e selisë blu, janë shndërruar prej ditësh në platformën e transparencës ku delegatët e kuvendit po publikojnë me emër dhe mbiermër vullnetin e tyre kundër kryetarit të partisë që qëndron në zyrën sipër.

Fillimisht Elbasani, pastaj Durrësi, Gjirokastra, Kavaja, Vora, Rrogozhina dhe Saranda, duke përfshirë pothuasje të gjitha degët e PD-së në Tiranë, po thonë pa frikë se i janë bashkuar nsimës së ndërmarë nga foltorja e Sali Berishës.

Ky proces që u fillua nga deputeti i Tiranës, Agron Shehaj i cili verifikoi në zyrën e Edi Palokës se 98% të firmave të atyre që kishte verifikuar ai në dy degët e PD-së ishin të sakta, po vijon me shpalljen e emrave ditë pas dite.

Sipas një llogarie të thjeshtë të bërë deri më tani, janë rreth 1850 delegatë, pra 25% e tërësisë së Kuvendit Kombëtar që kanë pranuar të shfaqin publikisht pozicionimin e tyre (shiko poshtë, në fund të faqes).

Ndonëse kjo shifër është ende larg larg sigurimit një shumice për të marrë vendime (mbi 50%), ajo ka rëndësi sepse krahu i PD-së zyrtare, që nuk e njeh vërtetësinë e firmave nuk ka kontestuar askënd nga emrat e bërë publike dhe të lexuara përpara selisë.

Pra këta rreth 1850 që janë bërë publikë deri tani, mund të shërbejnë si një kampion për vertetësinë e nënshkrimeve që gjenden në kasafortën e Edi Palokës.

Që kur Berisha shpalli se ai kishte arritur të mbledhë mbi 4200 delegatë rreth vetes, Shqip një një qëndrim editorial, kërkoi me forcë transparencë për publikun, sepse askush në një parti politike legale nuk mund ti mbajë ilegalë mbështetësit e vet, ku me sa duket, pesioni publik për transparencë ka bërë të vetën.

Po ti shtosh këtyre instrumentalizimin nga selia qëndrore të ndonjë kazusi si i ai i Freskida Rapos, delegates që pretendoi se i është fa*lsifikuar firma, pasi ajo nuk kishte nënshkruar, apo ndonjë gjysëm investigim si ai i Fiks Fare, kuptohet që “Foltorja” ka qenë e dënuar të japë prova.

Dhe kjo tashmë po ndodh para syve tanë dhe në shkallët e selisë së partisë më të madhe të opozitës.

Këto shpallje publike do të vazhdojnë deri një ditë para kuvendit për të bindur edhe më skeptikët se ne i kemi firmat dhe se ata që do të mblidhen në datë 11 janë të vetmit delegatë të ligjshëm”, tha për Shqip një burim nga “Foltorja”.

Në fakt, statistikat dhe përqindjet e delegatëve të bërë publikë ditët e fundit përkojnë edhe me dy anketa të opinionit publik, një në Euronews dhe një në Ora News, lidhur me avantazhin që ka Berisha kundrejt Bashës.

Pra dallohet qartë se mbështetësit e liderit historik kanë vendosur ta gryejnë përditë dhe dalë ngadalë targetin e tyre, duke i publikuar ditë pas dite emrat e atyre që më shumë se pro Berishës duket se kanë firmosur kundër tij.

Delegatët që jane bëre publikë sipas degëve (e përditësuar)

Shkodër, kanë firmosur 232 delegatë nga 271 gjithsej.

Fier kane firmosur 317 delegatë nga 358 gjithsej.

Sarandë, kane firmosur 100 delegatë nga 140 gjithsej.

Gjirokastër kane firmosur 100 delegatë nga 151 gjithsej.

Durrës, kane firmosur 207 delegatë nga 275 gjithsej.

Elbasan, kane firmosur 272 delegatë nga 409 gjithsej.

Rrogozhin kane firmosur 51 delegatë nga 85 gjithsej.

Kavajë kane firmosur 76 delegatë nga 117 gjithsej.

Vorë kane firmosur 54 delegatë nga 65 gjithsej.

Dega 1 Tirane kane firmosur 75 delegatë nga 90 gjithsej.

Dega 3 Tirane kane firmosur 77 delegatë nga 86 gjithsej.

Dega 4 Tirane kane firmosur 97 delegatë nga 111 gjithsej.

Dega 5 Tirane kane firmosur 70 delegatë nga 100gjithsej.

Dega 6 Tirane kane firmosur 65 delegatë nga 82 gjithsej .

Dega 7 Tirane kane firmosur 46 delegatë nga 86 gjithsej.

Dega 9 Tirane kane firmosur 70 delegatë nga 91 gjithsej.

Dega 11 Tirane kane firmosur 88 delegatë nga 117 gjithsej.

Lexo lajme interesante

You may also like