10 vite nga zbarkimi te Reali dhe profecia e realizuar, çfarë deklaronte Mourinho për Modric

by admin
Spread the love

Si sot dhjetë vite më parë Luka Modric prezantohej si futbollist i Realit të Madridit. “Los Blancos” paguan 35 milionë euro te Tottenham dhe siguruan një nga mesfushorët më premtues, i cili ia doli të bëhej më i miri në rolin e tij.

Në stolin e ekipit spanjoll ishte Jose Mourinho, i cili kishte vetëm një kërkesë për tifozët “aristokratë” të Realit. “Tifozëve u kërkoj t’i japin kohë Luka Modric dhe të tregohen të duruar me të.

Ai është një futbollist fantastik, ‘Santiago Bernabeu’ do të dashurohet me klasin e tij”, deklaronte “Special One” në 27 gushtin e vitit 2012. Sot, Modric është një nga legjendat e klubit më të titulluar në planet.

Me fanellën e Realit të Madridit, ylli nga Zadari ka fituar 21 trofe në total, ku dallohen pesë trofetë e Champions League, ndërkohë që në vitin 2018 ia doli të fitonte “Topin e Artë”.

Profecia e Mourinhos është realizuar, Modric është një idhull në “Santiago Bernabeu”, stadium ku vazhdon të dhurojë “magji” pafund, pavarësisht 36 viteve mbi supe.


Top Channel

Lexo lajme interesante

You may also like